Այսօր ՀՀ ԶՈւ զորամասերից մեկի պահպանության տեղամասում, հրազենային վիրավորումից մահացել է զինծառայող, պայմանագրային Մեսրոպ Ռուբիկի Գրիգորյանը, ծնված 18.10.1985թ.:
Այս մասին ֆեյսբուքյան իր էջում հայտնել է ՀՀ ՊՆ խոսնակ Արծրուն Հովհաննիսյանը՝ հավելելով, որ հանգամանքները պարզվում են:
Խոսնակը նաև ցավակցել է Մեսրոպ Գրիգորյանի հարազատներին։
Նշենք, որ ըստ Armtimes.com-ի՝ պայմանագրային զինծառայողը մահացել է ժամկետային զինծառայողի արձակած կրակոցից: Մեսրոպ Գրիգորյանի և զինծառայողի միջև վիճաբանություն է ծագել բջջային հեռախոսի պատճառով, որն էլ ավարտվել է կրակոցով: Գրիգորյանը ժամկետային զինծառայողի ձեռքից վերցրել է հեռախոսը, իսկ զինծառայողն էլ այն ետ է պահանջել, ինչի պատճառով էլ տեղի է ունեցել դեպքը:
Զոհվածը Կոտայքի մարզից էր, ծնողներ չուներ, մանկատան սան էր, ուներ միայն քույր ու եղբայր: