Թուրքիան վճռականորեն դատապարտում է ապրիլի 24-ը Հայոց ցեղասպանության հիշատակի օր հռչակելու մասին Փարիզի որոշումը: Այս մասին հայտարարել է Թուրքիայի նախագահի խոսնակ Իբրահիմ Քալընը:
«Վճռականորեն դատապարտում ենք նախագահ Էմանուել Մակրոնի հայտարարությունը: Հայոց ցեղասպանության մասին պնդումները քաղաքական սուտ են, հակասում են պատմական փաստերին և իրավական հիմքեր չունեն»,- ասել է նա:
Նրա խոսքով՝ Անկարան դատապարտում է և չի ընդունում «սեփական երկիրը փրկելու համար քաղաքական իրադարձությունը պատմական գործիքի վերածելու ձգտումը»:
Նշենք, որ Ֆրանսիան պաշտոնապես ճանաչել է Հայոց ցեղասպանությունը 2001թ-ին: