Խնդրում ենք սպասել...
ԱՐՑԱԽ.news ԼՐԱՏՎԱԿԱՆ

Իրադարձություններ

«Դու չպիտի ասես՝ ինչ խոսեն, լակոտ». Գևորգ Սաֆարյանը՝ Վալերի Օսիպյանին

13:00, չորեքշաբթի, 06 փետրվարի, 2019 թ.
«Դու չպիտի ասես՝ ինչ խոսեն, լակոտ». Գևորգ Սաֆարյանը՝ Վալերի Օսիպյանին

«Սասնա ծռեր» խմբի 10 անդամների գործով դատավարությանն այսօր ներկա է տուժող, ՀՀ ոստիկանապետ Վալերի Օսիպյանը: Իր ցուցմունքում Օսիպյանը որոշ մանրամասներ է ներկայացրել ՊՊԾ գնդի գրավման միջադեպից:

Նա պատմել է, որ «Սասնա ծռեր»-ի անդամները՝ պատանդ վերցնելով իրեն, սպառնացել են, ինքնաձիգով հարվածել, ուսադիրները պոկել. «Հարվածներով, մտանք գունդ, անցակետով անցանք, ես նկատեցի, որ մի քանի համակագիչներ են սեղանին դրված, այդտեղ աշխատում էր Վարուժան Ավետիսյանը: Ասում էր՝ լավ ենք անում, ռեժիմը մեր կյանքը կերավ»,- ասել է նախկին փոխոստիկանապետը՝ նշելով, որ ոչ մի կերպ բանակցությունները չէին ստացվում:

Ցուցմունք տալու ընթացքում խմբի անդամներից Սմբատ Բարսեղյանը ոստիկանապետին փորձել է ինչ-որ բան ասել, որը չի լսվել ապակիներից այն կողմ: Օսիպյանի հարցին, թե ի՞նչ է ուզում ասել, Սմբատը կրկին ինչ-որ բան է ասել, ինչից հետո Վ. Օսիպյանը պատասխանել է. «Որևէ մեկը չփորձի որևէ բան ասել»:

Գևորգ Սաֆարյանը, որը ներկա է եղել դատավարությանը, արձագանքել է ոստիկանապետին՝ ասելով. «Դու չպիտի ասես՝ ինչ խոսեն, լակոտ»: Լարված վիճակ է ստեղծվել դահլիճում:

Դատավոր Մեսրոպ Մակյանը կարգի հրավիրելով ներկաներին՝ նշել է, որ կարգը խախտելու դեպքում նիստը կքննվի դռնփակ կարգով:

| | |
18451 | 6
Facebook