Խնդրում ենք սպասել...

Համացանց

«Փաշինյանի թիմակիցներն ամեն ինչ անում են իրենց իշխանության բերողին խայտառակելու համար». Գագիկ Համբարյան

01:05, երեքշաբթի, 22 հունվարի, 2019 թ.
«Փաշինյանի թիմակիցներն ամեն ինչ անում են իրենց իշխանության բերողին խայտառակելու համար». Գագիկ Համբարյան

ՀՀ վարչապետ Նիկոլ Փաշինյանի թիմակիցներն ամեն ինչ անում են իրենց իշխանության բերած անձին խայտառակելու համար...
     ԱԺ փոխնախագահ Լենա Նազարյանը մեկնաբանելով «ՔՊ»-ական մարզպետների ինքնապարգևատրման անընդունելի փաստն այլ բան չկարողանալով այդ րոպեին հնարել ասել է. «Մարզպետներն իներցիայով են պարգևատրումներ արել»:
     Ստացվում է, որ տիկին Նազարյանն ընդունում է այն, որ իր հարազատ կուսակից պաշտոնյաներն ընդօրինակել են նախորդ իշխանությունների ամենավատ կողմերը՝ պետբյուջեի հաշվին հարստանալը: Դրա համար էլ, ըստ Նազարյանի, իր չտես և գյոռմամիշ ընկերները 3-ից 8 ամիս ղեկավարելով որոշ մարզեր իրենք իրենց պարգևատրել են ու դրան գումարած էլ պարգևատրել են իրենց հետ մարզպետարաններ բերածներին: Տիկին Նազարյանը չի հասկանում, որ նախորդ վարչակարգը կորցրեց իշխանությունը հենց այն պատճառով, որ իներցիայով թալանում և բեսպրեդելությամբ էր զբաղվում: Հիմա հարց տիկին ԱԺ փոխնախագահին. «Ինչո՞վ եք դուք տարբերվում նախորդներից, եթե իներցիայով գրպանում եք պետական բյուջեն»: Ամոթ է, երբ 3-ից 8 ամիս աշխատած պաշտոնյան իրեն, այսպես կոչված, 13-րդ աշխատավարձ է սահմանում, իսկ կոկորդիլոսաբույծ մարզպետն էլ իր ախորժակը բավարարելու համար օրենք է խախտում և իրեն պարգևատրում է մեկ ամսվա աշխատավարձից ավելի...
     Ուժեղ է այն իշխանությունը և պաշտոնյան, ով ընունում է սեփական սխալները, այլ ոչ թե դրանք քողարկելու համար ինչ-որ անտրամաբանական պատմություն հորինում...
     Շատ լավ կլինի, որ տիկին Նազարյանի կուսակից ընկերները իներցիայով հետ վերադարձնեն պետբյուջեից ստացած պարգևավճարների գումարները և ներողություն խնդրեն այն ժողովրդից, որի շնորհիվ եկել են իշխանության: Իսկ այդպես շատ երազած պարգևավճարների մասին մտածեն, երբ կաշխատեն 1 տարի»:

4336 | 8
Facebook