Համացանց

Արցախի ԱԺ ընդդիմադիր պատգամավոր Հայկ Խանումյանը ֆեյսբուքյան իր էջում գրել է.

«Սկսվել է բարձրաստիճան պաշտոնյաների 2018թ. եկամուտների հայտարարագրման գործընթացը: Այսպես, 2018թ. ես ունեցել եմ 5.894.500 դրամ եկամուտ ստացված ԱԺ պատգամավորի իմ աշխատավարձից և ներկայացուցչական ծախսերի փոխհատուցումից, կնոջս եկամուտը կազմել է 1.538.000 դրամ, ստացված աշխատավարձից: Հայտարարագրել ենք Ստեփանակերտ քաղաքի 62 քառակուսի մետրանոց մեր բնակարանը, որը գնել ենք 2013թ. հիպոթեքային վարկով: Վարկի գումարը եղել է 27.200 դոլար, որից մինչ այժմ մարել ենք 10.600 դոլարը, բնակարանը գնելիս վերցրել ենք նաև 1.500.000 դրամի փոխառություն, որից մարել ենք 550.000-ը»: