Խնդրում ենք սպասել...

Համացանց

«Ուզում եմ հասկանալ, թե ո՞րն է պրոֆեսիոնալիզմի Նիկոլի չափանիշը». Նարինե Մկրտչյան

01:10, չորեքշաբթի, 16 հունվարի, 2019 թ.
«Ուզում եմ հասկանալ, թե ո՞րն է պրոֆեսիոնալիզմի Նիկոլի չափանիշը». Նարինե Մկրտչյան

Մամուլի ազգային ակումբի նախագահ Նարինե Մկրտչյանը «Ֆեյսբուք»-ի իր էջում գրել է. «Այսօր ԱՄՆ-ում ՀՀ նորանշանակ դեսպան Վարուժան Ներսիսյանն իր հավատարմագրերն է հանձնել ԱՄՆ նախագահ Թրամփին: Անկեղծ ասած, Ներսիսյանի ազգանունն ինձ ոչինչ չէր հուշի, եթե պատահաբար չտեսնեի նրա լուսանկարը Թրամփի հետ: Հիշեցի անցյալ-գնացյալ մի պատմություն այդ մարդու հետ կապված:

Շատ տարիներ առաջ Մեծ Բրիտանայի դեսպանատունն ինձ հրավիրեց մասնակցել լրագրողական մի մրցույթի, որը նախատեսում էր երկշաբաթյա վերապատրաստում և հանդիպումների շարք Լոնդոնում: Մրցույթի երկու փուլերն անցա, հասա վերջին՝ հարցազրույցի փուլին, որին որպես հարցազրույց անցկացնող հանձնաժողովի ՛՛դրսից անդամ՛՛ ընդգրկված էր նաև Վարուժան Ներսիսյանը, որն այդ ժամանակ կա՛մ ԱԳՆ-ում էր աշխատում, կամ ԱԺ-ում: Ինչևէ: Թեպետ մրցույթի մյուս մասնակիցների հետ հարցազրույցն անցկացվել էր հայերենով, ինձ հետ Ներսիսյանը սկսեց խոսել անգլերենով: Հանձնաժողովի մյուս անդամները 2-3 հարց տվեցին, իսկ Ներսիսյանը, հոնքերը կիտած, խիստ նայելով իմ կողմը, սկսեց հարցեր տալ քաղաքականությունից և վերջում հարցրեց՝ ՛՛Դուք քաղաքականությա՞մբ եք զբաղվում՛՛: Թեպետ դա ավելի շատ մեղադրանքի պես հնչեց, քան հարցի, բայց պատասխանս մոտավորապես հետևյալն էր՝ ես քաղաքական լրագրող եմ և իմ հոդվածների գնահատականները կարող են նաև քաղաքական բնույթ կրել:

Մրցույթը չանցա, մերժման հիմնավորումն այս էր՝ բարձր որակավորման պատճառով վերապատրաստման կարիք չունեմ:
     Վարուժան Ներսիսյանը դեմ էր քվեարկել իմ թեկնածությանը՝ պնդելով, որ ես քաղաքականությամբ եմ զբաղվում: Նա ինձ անձամբ չէր ճանաչում, քվեարկելիս աձնական մոտիվներով չէ, որ առաջնորդվել էր. ակնհայտ էր, որ հանձնարարություն էր կատարում:
     Այդ մարդուն և նրա դեմքը ես կմոռանայի, եթե տարբեր միջոցառումների ժամանակ չտեսնեի ինձ ուղղված նրա ծակող հայացքը:

Ես միշտ մտածել եմ, որ ոչ այնքան իշխանությունը, որքան ՀՀ իշխանության մեջ ներդրված ռուսական ազդեցության և ԿԳԲ-ի գործակալներն են, որ տարիներ շարունակ պայքարել են իմ և իմ նմանների դեմ:

Եվ հիմա, երբ Նիկոլը հայտարարել է, թե դեսպանների պաշտոնում նշանակելու է միայն պրոֆեսիոնալ դիվանագետների, ուզում եմ հասկանալ, թե ո՞րն է պրոֆեսիոնալիզմի Նիկոլի չափանիշը՝ Հայաստանի շահերի՞ն ծառայելը, թե՞ տարիներ շարունակ այլ երկրների հատուկ ծառայություններին, որոնք վերահսկողության տակ են պահում ՀՀ ներքին և արտաքին քաղաքականությունը: Հայաստանի ձախողման պատճառներից մեկը նաև դա է:
     Վարուժան Ներսիսյանին գործուղում եք ԱՄՆ, որ ի՞նչ անեք: Ո՞վ է, ի վերջո, ուղղորդում ՀՀ արտաքին հարաբերությունները:

7319 | 2
Facebook