Վրաստանում H1N1 վիրուսով (խոզի գրիպ) պայմանավորված բարդությունների հետևանքով արդեն 17 մարդ է մահացել, հաղորդում է «Грузия онлайн»-ը:
Վրաստանի հիվանդությունների և հասարակության առողջության վերահսկման ազգային կենտրոնի տվյալներով՝ վերջին շաբաթվա ընթացքում գրիպով վարակման ցուցանիշը զգալի նվազել է, վարակման գագաթնակետը գրանցվել է դեկտեմբերի վերջին շաբաթվա ընթացքում (277 դեպք 100 հազար բնակչի շրջանում):
Բացի այդ, ըստ կենտրոնի, նվազել են երեխաների հոսպիտալացման դեպքերը՝ 46%-ից 26%:
Երեկ հայտնի է դարձել, որ H1N1 վիրուսով պայմանավորված բարդությունների հետևանքով Վրաստանում 10 ամսական երեխա է մահացել:
Ավելի վաղ Աբխազիան և Հարավային Օսիան գրիպի տարածումը կանխելու նպատակով փակել էին Վրաստանի հետ սահմանը: