Խնդրում ենք սպասել...

Իրադարձություններ

«Ես ներողություն չեմ խնդրի մի բառի համար, որը չեմ արտասանել». Մանվել Գրիգորյանի պաշտպան (տեսանյութ)

13:25, երկուշաբթի, 14 հունվարի, 2019 թ.
«Ես ներողություն չեմ խնդրի մի բառի համար, որը չեմ արտասանել». Մանվել Գրիգորյանի պաշտպան (տեսանյութ)

«Եթե ես թույլ եմ տվել նման արտահայտություն, պատրաստ եմ և՛ պատասխանատվություն կրել, և՛ ներողություն խնդրել, բայց ես ներողություն չեմ խնդրի մի բառի համար, որը չեմ արտասանել: Ես ակնկալում եմ, որ թյուրիմացության համար ինձ կասեն՝ կներեք»,- քիչ առաջ լրագրողների հետ զրույցում հայտարարեց Մանվել Գրիգորյանի պաշտպան Արսեն Մկրտչյանը:

Հիշեցնենք՝ դատական նախորդ նիստից հետո ցուցարարները բացատրություն էին պահանջում պաշտպանից՝ հայտարարելով, որ նա իրենց «թափթփուկ» է անվանել:

Նշենք, որ այս պահին Վերաքննիչ դատարանի մոտ են նաև Փաստաբանների պալատի ղեկավարությունն ու փաստաբանները: Թե ինչով է պայմանավորված վերջինների ներկայությունն այդտեղ, Արսեն Մկրտչյանն ասաց. «Բացի ֆիզիկական անվտանգությունից, որը ոստիկանությունը պատշաճ իրականացնում է, ունենք չթիրախավորվելու խնդիր և այդ պատճառով Փաստաբանների պալատի ղեկավարությունն այստեղ է»,- նշեց Մկրտչյանը:

«Այն մարդիկ, որոնք թքել են այդ մեքենայի վրա, ուզում եմ իմանան, որ իմ սեփականությունը չէ: Մարդիկ պետք է հասկանան, որ եթե մի անձի պաշտպանում եմ՝ անկախ նրանից, թե ոնց են վերաբերվում այդ անձին, փաստաբանին, դատավորին, դատախազին չի կարելի թիրախավորել»,- ասաց փաստաբանը՝ հավելելով, որ այդ մարդկանց գործով պետք է զբաղվի արդարադատությունը:

| | |
2758 | 2
Facebook