Խնդրում ենք սպասել...
Այսօր`  հինգշաբթի, 17 հունվարի, 2019 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Իրադարձություններ

Հայտնի են շախմատի Հայաստանի առաջնության 2-րդ տուրի պարտիաների արդյունքները

13:05, երկուշաբթի, 14 հունվարի, 2019 թ.
Հայտնի են շախմատի Հայաստանի առաջնության 2-րդ տուրի պարտիաների արդյունքները

Երեկ տեղի ունեցան Հայաստանի տղամարդկանց և կանանց Հայաստանի առաջնությունների երկրորդ տուրի պարտիաները: Տղամարդկանց մրցաշարում վստահ խաղ է ցուցադրում Տիգրան Պետրոսյանը, ով երկրորդ տուրում, ինչպես և առաջինում, առանց լուրջ դիմադրության կարողացավ հաղթանակ տոնել Ռոբերտ Հովհաննիսյանի նկատմամբ: Առաջին տուրում հաղթանակներ տոնած Արման Փաշիկյանը և Զավեն Անդրիասյանը կարճատև պայքարից հետո համաձայնվեցին ոչ-ոքի արդյունքի: Մեկնարկային տուրում պարտություն կրած գործող չեմպիոն Հայկ Մարտիրոսյանը հաղթանակ տոնեց Արամ Հակոբյանի նկատմամբ: Առաջնությունը պարտությունով մեկնարկած Սամվել Տեր-Սահակյանը ևս հաղթանակ տոնեց. նրա մրցակիցն էր Մանուէլ Պետրոսյանը: Տիգրան Հարությունյան - Շանթ Սարգսյան պարտիան ավարտվեց հաշտությամբ:
     Այսպիսով, երկրորդ տուրից հետո 2 միավոր վաստակած Տիգրան Պետրոսյանը սկսեց միանձնյա գլխավորել մրցաշարային աղյուսակը: Արման Փաշիկյանը և Զավեն Անդրիասյանն առաջատարին զիջում են կեսական միավոր և կիսում 2-3-րդ հորիզոնականները:
     Կանանց մրցաշարի 2-րդ տուրի կենտրոնական պարտիայում Մարիա Գևորգյանը հաղթանակ տոնեց Սուսաննա Գաբոյանի նկատմամբ և սկսեց միանձնյա գլխավորել աղյուսակը: Գործող չեմպիոն Մարիա Կուրսովան անակնկալ պարտություն կրեց Արփինե Գրիգորյանից: Մարիամ Ավետիսյանը հաղթեց Մարիամ Մկրտչյանին, իսկ Աննա Խաչատրյան - Սիրանուշ Ղուկասյան և Անահիտ Մկրտչյան - Աստղիկ Հակոբյան պարտիաներն ավարտվեցին հաշտությամբ:
     Կանանց մրցաշարում առաջատարն է 2 միավոր վաստակած Մարիա Գևորգյանը: Սիրանուշ Ղուկասյանը, Աննա Խաչատրյանը և Անահիտ Մկրտչյանը 1.5-ական միավորով կիսում են 2-4-րդ հորիզոնականները:

| | |
545 | 0