Թրամփը սպառնացել է կործանել Թուրքիան
 ԱՄՆ նախագահ Դոնալդ Թրամփը սպառնացել է տնտեսական միջոցներով կործանել Թուրքիան, եթե վերջինը որոշի հարձակում գործել Սիրիայի քրդերի վրա: «Սկսում ենք Սիրիայից զորքերի՝ վաղուց հասունացած դուրսբերումն ու միաժամանակ տարբեր կետերից ուժգին հարվածներ ենք հասցնում այն ամենին, ինչ մնացել է ԴԱԻՇ-ի խալիֆայությունից: Կրկին հարձակում կգործենք այնտեղ, որտեղ կվերաձևավորվի ԴԱԻՇ-ը: Տնտեսապես կկործանենք Թուրքիան, եթե վերջինը որոշի հարձակում գործել քրդերի վրա»,- Twitter-ի իր էջում գրել է Թրամփը: Թրամփի խոսքով՝ ԱՄՆ-ը չի ցանկանում, որ «քրդերը սադրեն Թուրքիային»: «Ռուսաստանը, Իրանն ու Սիրիան ԴԱԻՇ-ի ոչնչացման հարցում ԱՄՆ-ի երկարաժամկետ քաղաքականությունից ամենախոշոր օգտվողներն են: Մենք ևս կշահենք դրանից, ժամանակն է, որպեսզի մեր զորքերը տուն վերադառնան: Դադարեցնենք անվերջ պատերազմները»,- ասվում է Թրամփի տարածած հաղորդագրության մեջ:
|
