Խնդրում ենք սպասել...
Այսօր`  երեքշաբթի, 15 հոկտեմբերի, 2019 թ.

Միջազգային

Եվրոպայում հավանություն են տվել «Ռուսալ»-ի նկատմամբ պատժամիջոցների չեղարկմանը

14:20, շաբաթ, 12 հունվարի, 2019 թ.
Եվրոպայում հավանություն են տվել «Ռուսալ»-ի նկատմամբ պատժամիջոցների չեղարկմանը

Եվրոպացի դիվանագետները հավանություն են տվել «Ռուսալ» և «En+» ընկերությունների նկատմամբ ամերիկյան պատժամիջոցների չեղարկմանը, հաղորդում է ТАСС-ը՝ վկայակոչելով ամերիկացի սենատորներին ուղղված նամակը:

Նշվում է, որ փաստաթուղթը ստորագրել են Ավստրիայի, Մեծ Բրիտանիայի, Գերմանիայի, Ֆրանսիայի, Իռլանդիայի, Իտալիայի և Շվեդիայի դեսպանները: Նրանց է միացել նաև ԱՄՆ-ում Եվրոմիության ներկայացուցչության ղեկավարը:

«Ողջունում ենք գանձապետարանի վերջին գործողությունները՝ կապված «Ռուսալ» և «En+» ընկերությունների նկատմամբ պատժամիջոցների չեղարկման հետ»,- ասվում է նամակում:

Նրանց կարծիքով՝ այդ ընկերությունների նկատմամբ սահմանափակող միջոցները կարող են բացասական ազդեցություն ունենալ ալյումինի ոլորտի վրա: Բացի այդ, համաձայն դիվանագետների հաշվարկների, մոտ 75 հազար մարդ կարող է մնալ առանց ապրուստի միջոցների:

Ավելի վաղ հայտնի է դարձել, որ պատժամիջոցների չեղարկումից հետո այդ ընկերությունների բաժնետոմսերը թանկացել են:

| | |
4541 | 0
Facebook