Ֆրանսիայի մայրաքաղաք Փարիզի կենտրոնում այսօր հզոր պայթյուն է որոտացել: Դեպքը տեղի է ունեցել Տրեվիզ փողոցում Փարիզի ժամանակով առավոտյան ժամը 9-ին:
Այրվել է հացաբուլկեղենի խանութը, հաղորդում է BFMTV-ն:
Հեռուստաալիքի տեղեկություններով՝ կան տուժածներ:
Դեպքի վայր են ժամանել փրկարարները: Նախնական տեղեկությունների համաձայն՝ պայթյունի պատճառ կարող էր դառնալ գազի արտահոսքը: Դեպքի հանգամանքները պարզվում են:
Նշվում է, որ դեպքը կապ չունի «դեղին բաճկոնավորների» հերթական բողոքի ակցիայի հետ, որը կանցկացվի այսօր Փարիզում: