Համացանց

Հայկական հեռուստատեսության վաստակաշատ հաղորդավար Կարեն Քոչարյանը ֆեյսբուքյան իր էջում գրել է. «75 տարի առաջ`1944 թվականի հունվարի 9-ին, ծնվել է հայտնի ջազմեն, դաշնակահար, քանդակագործ, ՀՀ արվեստի վաստակավոր գործիչ, մեր լավ ընկեր Դավիթ Բեջանյանը:
     2002-ի մայիսի 15-ին մեր նկարահանող խումբը հյուրընկալվեց Դավիթ Բեջանյանի արվեստանոցում: Այդ օրերին ավարտին էին մոտենում Առնո Բաբաջանյանի հուշարձանի աշխատանքները: Այս բացառիկ հարցազրույցը նկարահանվել էր Լոս Անջելեսի ANN հեռուստաընկերության համար: Հայաստանում ներկայացվելու համար այն մոնտաժվեց տասը տարի անց` 2012-ին, «K.R.K. PRODUCTION» ընկերության կողմից և տեղադրվեց համացանցում: Եվ այսպես «3-րդ ալիք» հեռուստաընկերությունը ներկայացնում է «Դավիթ Բեջանյանի Հայկական ռապսոդիան»: Սցենարի հեղինակ և ռեժիսոր՝ Կարեն Քոչարյան, օպերատոր՝ Արտավազդ Եղոյան, մոնտաժը՝ Կարեն Քոչարյանի, պրոդյուսեր՝ Էլմիրա Արսենյան»: