Եվրոմիությունն Իրանի դեմ նոր պատժամիջոցներ է սահմանել, հաղորդում է Euronews-ը: Նիդերլանդների, Բելգիայի և Դանիայի իշխանություններն Իրանին մեղադրում են եվրոպական երկրներում հարձակումների համար:
Twitter-ի իր էջում Դանիայի արտաքին գործերի նախարար Անդերս Սամուելսենը հայտնել է, որ սահմանափակող միջոցներն ուղղված են իրանական հատուկ ծառայությունների դեմ՝ կապված եվրոպական տարածքում հանցագործությունների հետ:
«ԵՄ-ի ազդանշանն էր այն մասին, որ նման պահվածք Եվրոպայում չենք հանդուրժի»,- գրել է նախարարը:
Պատժամիջոցներն ուժի մեջ կմտնեն հունվարի 9-ից:
Բրյուսելում ակնկալում են, որ Իրանը կհամագործակցի՝ իր դեմ ուղղված հարցերին պատասխանելու և անհրաժեշտ հետաքննություն անցկացնելու համար:
Նշվում է, որ հարձակումներն իրականացվել են Նիդերլանդների Ալմերե և Հաագա քաղաքներում 2015 և 2017թթ.: 2018թ. ամռանն Իրանի դեսպանը կանչվել էր Նիդերլանդների ԱԳՆ, երկրից արտաքսվել էր իրանական դեսպանատան 2 աշխատակից: