Ֆրանսիայի վարչապետ Էդուար Ֆիլիպը հայտարարել է երկրի ողջ տարածքում չարտոնված ցույցերի մասնակիցների դեմ կառավարության կողմից միջոցների խստացման մասին, հաղորդում է Reuters-ը:
Ֆրանսիայի կառավարությունը մտադիր է նոր օրենսդրություն ընդունել, որով կարգելվի բողոքի ակցիաներին խուլիգանների մասնակցությունն ու դիմակների կրումը:
Էդուար Ֆիլիպի խոսքով՝ սպասվող բողոքի նոր ալիքին կներգրավվեն 80 հազար իրավապահներ:
Տարեսկզբին «դեղին բաճկոնավորների» ցույցերը վերսկսվել էին: Ողջ Ֆրանսիայի տարածքում ցույցերը շարունակվում են արդեն 7 շաբաթ: «Դեղին բաճկոնավորները» հայտարարել են, որ մտադիր են հավաքվել ամեն շաբաթ Ելիսեյան դաշտերում: