Միջազգային

Մալայզիայի թագավոր Մուհամմադ 5-րդն այսօր՝ հունվարի 6-ին հրաժարվել է գահից, գրում է Reuters-ը: Հրաժարականն ուժի մեջ է մտել անմիջապես հրապարակումից հետո: Սա Մալայզիայի պատմության մեջ առաջին դեպքն է, երբ թագավորը հրաժարվում է գահից: Նրա քայլի դրդապատճառները հայտնի չեն:

Նշենք, որ Մալայզիայի թագավորի պաշտոնն ընտրովի է, 5 տարին մեկ թագավորին իրենց շրջապատից ընտրում են 9 սուլթանները՝ նահանգների ժառանգական ղեկավարները, ովքեր միասին ներկայացնում են օրենսդիր օրգանը՝ Ղեկավարների խորհուրդը: Մուհամմադ 5-րդը գահակալում էր 2016-ից:

Նշենք, որ 2018-ի նոյեմբերին նա ամուսնացել էր «Միսս Մոսկվա 2015» մրցույթի հաղթող Օկսանա Վոեվոդինայի հետ: Թագավորական պալատը հայտարարել էր, որ գեղեցկուհուն կշնորհվի «դաթին» տիտղոսը: