ԱՄՆ նախագահ Դոնալդ Թրամփը ԽՍՀՄ փլուզումը կապել է Աֆղանստանի պատերազմին սովետական բանակի մասնակցության հետ, գրում են ռուսական լրատվամիջոցները՝ հղում անելով ամերիկյան լրատվամիջոցներին:
Թրամփի հայտարարությունը հեռարձակվել է ամերիկյան հեռուստաալիքներով:
«Ռուսաստանը Սովետական Միություն էր: Աֆղանստանն այն դարձրեց Ռուսաստանի, քանի որ ԽՍՀՄ-ը սնանկացավ՝ պատերազմելով Աֆղանստանում»,- ասել է Թրամփը:
ԽՍՀՄ-ն Աֆղանստան զորք էր մտցրել 1979-ին, ապա դուրս բերել զորքերը 1989-ին: ԽՍՀՄ-ը փլուզվեց 1991-ին: