Խնդրում ենք սպասել...

Ի՞նչ է խոսում քաղաքը

ՍՊԸ-ի 60% բաժնետերը Վանեցյանի հայրն է

15:50, հինգշաբթի, 27 դեկտեմբերի, 2018 թ.
ՍՊԸ-ի 60% բաժնետերը Վանեցյանի հայրն է

Համացանցում շարունակում է քննարկվել ԱԱԾ տնօրեն Արթուր Վանեցյանի՝ «Էյ Բի Տրանս» ընկերության կողմից որպես նվեր ստացած զրահապատ թանկարժեք Toyota Land Cruiser-ը: 2014-ին հիմնադրված ՍՊԸ-ի 60 տոկոս բաժնետերը Վանեցյանի հայրն է: Ասում են՝ Արթուր Վանեցյանի անվտանգությունն այն աստիճան է ուժեղացված, որ բացի զրահապատ մեքենան, ավելացել է նաև նրան ուղեկցող անվտանգության աշխատակիցների թիվը: Համացանցի օգտատերերը հարց են բարձրացրել, թե ինչո՞ւ է Վանեցյանի հայրն ընկերության անունից տալիս այդ մեքենան: «ԱԱԾ պետի կողմից մասնավոր ընկերության կողմից 200 հազար դոլարանոց մեքենա անհատույց օգտագործման իրավունքով նվեր ստանալը, առնվազն ընկալելի չէ։ Մասնավոր ընկերությունն ինչո՞ւ պետք է պետական բարձրաստիճան պաշտոնյային նման թանկարժեք նվեր տա»,- գրել է քաղաքական մեկնաբան Դերենիկ Մալխասյանը:

Տեղեկացնում ենք, որ նյութը պաշտոնական չէ:
| | |
21849 | 30
Facebook