ԱՄՆ նախագահ Դոնալդ Թրամփի՝ Սիրիայից ամերիկյան զորքերը դուրս բերելու որոշմանն ազդել է Թուրքիայի դիրքորոշումը, գրում է թուրքական Hurriyet պարբերականը՝ նշելով, որ մեկ շաբաթ առաջ ԱՄՆ նախագահն իր ծրագրերը քննարկել է Թուրքիայի նախագահ Ռեջեփ Էրդողանի հետ:
Պարբերականը՝ հղում անելով բարձրաստիճան թուրք պաշտոնյային, հայտնել է, որ Թրամփին անհրաժեշտ էր համոզվել, որ Անկարան շարունակում է Մերձավոր Արևելքում ահաբեկչության դեմ պայքարը: Ընդ որում, ըստ աղբյուրի, Թուրքիան արդեն տեղյակ էր Թրամփի ծրագրերի մասին:
«Թրամփը վաղուց էր ցանկանում այդ քայլին գնալ, սակայն երկար ժամանակ չէր կարողանում կարգավորել հարցը Պենտագոնի ներկայացուցիչների հետ»,- հայտնել է թուրքական աղբյուրը:
Չնայած այս տեղեկությանը՝ պաշտոնական Անկարան չի մեկնաբանել Թրամփի որոշումը: Հիշեցնենք, որ որոշումից հետո հրաժարական էր տվել ԱՄՆ պաշտպանության նախարարը: