Խնդրում ենք սպասել...

Հետաքրքիր է

Ինչպե՞ս խուսափել ցրտահարվելուց

00:10, չորեքշաբթի, 02 հունվարի, 2019 թ.
Ինչպե՞ս խուսափել ցրտահարվելուց

Ձմռանը ոչ ոք ապահովագրված չէ ցրտահարվելուց: Պետք է իմանալ, որ ցուրտը խիստ բացասաբար է անդրադառնում ոչ միայն առողջության, այլև մաշկի վրա:

Ցրտահարությունը վտանգավոր է բոլորի համար, սակայն առավել խոցելի են ծերերը և երեխաները:

Կախված ցրտահարության աստիճանից՝ մարմնի ցրտահարված հատվածը կարող է փոխել գույնը՝ կարմրել կամ գունատվել:

Ովքե՞ր են գտնվում ռիսկի խմբում

Եթե չիրականացվեն նախազգուշական միջոցառումներ, ցրտահարությունը վտանգավոր է բոլորի համար: Երբ մարդն աշխատում կամ խաղում է դրսում, նա ենթարկվում է ռիսկի: Սակայն ռիսկն ավելի բարձր է այն անձանց շրջանում, որոնց մոտ առկա է շաքարային դիաբետ, աթերոսկլերոզ, ովքեր ունեն արյան շրջանառության և նյարդային համակարգի խնդիրներ: Նշված հիվանդությունների առկայության դեպքում ցուրտը կամ ցավը զգալու ունակությունն ավելի թույլ է: Որոշ դեղեր, նիկոտինը և ալկոհոլը ևս նվազեցնում են զգայունության աստիճանը, հետևաբար տվյալ դեպքում բարձրանում է ցրտահարվելու վտանգը: Ունի կրկնվելու բարձր հավանականություն:

Առաջին նշանները

• Մաշկի գույնի փոփոխություն(գունատ, կապույտ կամ կարմիր)

• Մաշկը տաք է

• Զգայունության կորուստ, ծակծկոց կամ ցավ

Կանխարգելումը

• Անհրաժե'տ է կրել տաք, չսեղմող հագուստ, ինչպես նաև գլխարկ՝ ականջները պաշտպանելու համար, շարֆ` այնպես,որ պաշտպանվեն այտերն ու քիթը, ձեռնոց, չթրջվող կոշիկներ:

• Պետք չէ դիպչել սառը մակերեսներին բաց ձեռքերով

• Ծխելը և ալկոհոլի չարաշահումը չի խրախուսվում

• Պետք է շատ շարժվել

Ի՞նչ անել, եթե կան ցրտահարության նշաններ

. Անմիջապես դիմել բժշկի

• Ոչ մի դեպքում չի կարելի շփել ցրտահարված հատվածը

• Ցրտահարված հատվածը տաքացնելու համար պետք չէ ջեռակ օգտագործել, քանի որ ցրտահարված հատվածի զգայունությունը կտրուկ նվազում է և տվյալ պարագայում առկա է այրվածք ստանալու վտանգ:

6078 | 2
Facebook