Արգենտինայի ազգային հավաքականի և կատալոնական «Բարսելոնա»-ի հարձակվող Լիոնել Մեսսին, Իսպանիայի առաջնության 16-րդ տուրի՝ «Լևանտե»-ի դեմ խաղում (5:0) դառնալով հեթ-տրիկի հեղինակ, երկու ռեկորդ է սահմանել: Մեսսին դարձել է եվրոպական թոփ-5 առաջնությունների առաջին ֆուտբոլիստը, ով ընթացիկ մրցաշրջանում «գոլ+գոլային փոխանցում» համակարգով 20-ից ավելի միավոր է վաստակել (14+10): Մեսսին նաև առաջինն է, ով օրացույցային տարվա ընթացքում 50 գոլ է հեղինակել: