Ռուսաստանի արտաքին գործերի նախարար Սերգեյ Լավրովը Բաքու այցի ընթացքում կհանդիպի Ադրբեջանի նախագահ Իլհամ Ալիևի և արտաքին գործերի նախարար Էլմար Մամեդյարովի հետ: Այս մասին ավանդական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Այսօր Ռուսաստանի արտաքին գործերի նախարարին կընդունի Ադրբեջանի նախագահը: Հանդիպումն այսօր է նշանակված: Բացի այդ, նախարարը կհանդիպի Ադրբեջանի ԱԳՆ ղեկավարին, կողմերը կքննարկեն երկկողմ համագործակցության, տարածաշրջանային և միջազգային օրակարգի առանցքային հարցերը»,- ասել է նա:
Ավելի վաղ Զախարովան մեկնաբանել էր ՀՀ ԱԺ ընտրությունների արդյունքները: