Հայաստանը չի ձգտում դառնալ ՆԱՏՕ-ի անդամ. այս մասին հայտարարել է Նիկոլ Փաշինյանը՝ ԱԺ արտահերթ ընտրություններից հետո արտասահմանյան լրատվամիջոցների հետ հանդիպման ժամանակ:
Կինոռեժիսոր Տիգրան Խզմալյանը ֆեյսբուքյան իր էջում արձագանքել է. «Նիկոլ Փաշինյանի առաջին հայտարարությունն արտաքին քաղաքականության մասին` ԱԺ ընտրություններից հետո։ Մեկնաբանություն չունեմ։ Թերևս վարչապետի պաշտոնակատարը նման դեպքերում պարտավոր է ասել ոչ թե «Հայաստանը չի ցանկանում», այլ «իմ գլխավորած կառավարությունը չի ցանկանում»։ Թե չէ ստացվում է նրա և պետության ու ազգի վտանգավոր նույնացում»։