Համացանց

Լրագրող Թագուհի Մելքոնյանը ֆեյսբուքյան իր էջում գրել է. «Եկրաշարժից հետո գյումրեցիները կորուստներից դեռ ուշքի չեկած՝ քաղաք ժամանած Գորբաչովին հարցնում էին` Արցախի հարցն ինչպե՞ս է լուծվելու... Այսօր կարդացի երկրաշարժին զոհ դարձած 9-ամյա Լիլիթ Սաքոյանի (Գյումրիի N10 դպրոցի մի ամբողջ դասարանի աշակերտներ մահացել էին՝ մնալով փլատակների տակ) բանաստեղծությունը՝ նվիրված Արցախին: Շշշմելու բան է, 9 տարեկան երեխայի գիր...

Ղարաբաղ

Չգիտեմ՝ ինչպես ու ինչ է եղել,
     Բայց հաստատ գիտեմ, որ մերն ես եղել,
     Եվ գիտեմ նաև, որ խլել են քեզ,
     Մի կոտրած ձեռք է քեզ մորից զատել:

Բայց մենք կհաղթենք ու կմիանանք,
     Մենք պետք է ապրենք դարերով հավետ,
     Ինչպես մարմնի մասերը բոլոր՝
     Մենք պետք է ընդմիշտ իրար հետ լինենք:

Մեծ ցավ ես ապրել, սակայն կաս, կապրես,
     Քեզ հետ են բոլոր հայերն աշխարհի,
     Արցախ հայկական, մեր մարմնի մասնիկ,
     Հայոց գալիքի պայծառ երաշխիք»: