Խնդրում ենք սպասել...

Ի՞նչ ենք ուտում, հագնում, դիտում

«Էրկեն կիշեր» լիամետրաժ գեղարվեստական կինոնկարի պրեմիերան՝ դեկտեմբերի 8-ին

01:35, ուրբաթ, 07 դեկտեմբերի, 2018 թ.
«Էրկեն կիշեր» լիամետրաժ գեղարվեստական կինոնկարի պրեմիերան՝ դեկտեմբերի 8-ին

Հայաստանի ազգային կինոկենտրոնը տեղեկացնում է, որ «Մոսկվա» կինոթատրոնում դեկտեմբերի 8-ին տեղի կունենա ռեժիսոր և սցենարի հեղինակ Էդգար Բաղդասարյանի «Էրկեն կիշեր» լիամետրաժ գեղարվեստական կինոնկարի պրեմիերան։

1 ժամ 40 րոպե տևողությամբ «Էրկեն Կիշեր» պատմական ֆիլմաշարն ստեղծվել է 3 տարվա ընթացքում իրականացված նկարահանումների և հսկայածավալ աշխատանքի արդյունքում: Ֆիլմի ռեժիսորը հանդիսատեսին կներկայացնի երեք տարբեր պատմություններ՝ մարդկային բարդ ու խճճված փոխհարաբերություններ: Ֆիլմի հերոսները դժվարին իրավիճակում հայտնված և ընտրության առաջ կանգնած անհատներ են, որոնց կատարած վճռական քայլը որոշիչ կարող է դառնալ նրանց կյանքում:
     Տարբեր ժամանակաշրջանների հերոսների դրամատիկ պատմությունները կապված են գայլի և գնդաձև քարի հետ. ճակատագիրը հետապնդում է այդ քարի տերերին: Քարի հազարամյա ճամփորդությունը ժամանակի մեջ սկսվում է Նարեկացու դարաշրջանից, ապա անցնելով 1915-ի հայկական կոտորածների սարսափների միջով՝ հասնում է մինչև մեր օրերը և ավարտվում ամուսնական զույգի տարօրինակ ընտանեկան դրամայով՝ վեր հանելով եռանկյունու երրորդ կողմը կազմող փողոցային մարմնավաճառի բարոյական արժեքները, որոնք ավելի բարձր են, քան բարձրաստիճան ուղևորներինը:

«Ավելորդը» նովելի սցենարի համահեղինակ է Քնարիկ Միրզոյանը, բեմադրող օպերատորը՝ Սուրեն Թադևոսյանը, բեմադրող նկարիչները՝ Սեդրակ Վելիկոդնին, Տիգրան Առաքելյանը, երաժշտությունը՝ Անդրանիկ Բերբերյանի, գլխավոր դերերում ՝ Շանթ Հովհաննիսյան, Սամվել Գրիգորյան, Լուիզա Ներսեսյան, Բաբկեն
     Չոբանյան, Նարինե Գրիգորյան, Մարիա Սեյրանյան, Մինաս Ասրյան, Վաչե Երիցյան։
     Պրոդյուսերներ են Կարինե Սիմոնյանը, Էդգար Բաղդասարյանը։
     Ֆիլմը նկարահանվել է Հայաստանի ազգային կինոկենտրոնի ֆինանսական աջակցությամբ։

14065 | 0
Facebook