Խնդրում ենք սպասել...
ԱՐՑԱԽ.news ԼՐԱՏՎԱԿԱՆ
Այսօր`  հինգշաբթի, 25 ապրիլի, 2019 թ.

Միջազգային

Պուտինը ԵԱՏՄ անդամ երկրներին առաջարկել է բարձրացնել տնտեսական ինքնիշխանությունը

16:10, հինգշաբթի, 06 դեկտեմբերի, 2018 թ.
Պուտինը ԵԱՏՄ անդամ երկրներին առաջարկել է բարձրացնել տնտեսական ինքնիշխանությունը

ՌԴ նախագահ Վլադիմի Պուտինը ԵԱՏՄ անդամ երկրներին առաջարկել է բարձրացնել տնտեսական ինքնիշխանությունը: Այս մասին նա ասել է Սանկտ Պետերբուրգում ԵԱՏՄ բարձրագույն խորհրդի նիստի ընթացքում:

«Առաջարկում ենք մշակել ԵԱՏՄ-ում ժամանակակից ֆինանսական տեխնոլոգիաների կիրառմամբ ընդհանուր հաշվարկային ենթակառուցվածքների ստեղծման մասին հարցը: Դա թույլ կտա բարձրացնել ԵԱՏՄ անդամ երկրների ազգային վճարային համակարգերի կայունությունը՝ այդպիսով նվազեցնելով դոլարից և արտասահմանյան այլ արժույթներից կախումն ու ուղիղ իմաստով բարձրացնելով տնտեսական ինքնիշխանությունը»,- ասել է Պուտինը:

«Ռուսական կողմն առաջարկում է նաև ինտեգրացիոն օրակարգում ներառել քաղաքացիների տեղաշարժի հեշտացումը, առողջապահության, կրթության, տուրիզմի, սպորտի և մշակույթի ոլորտներում առավել սերտ համագործակցությունը»,- հավելել է ՌԴ նախագահը: Նրա կարծիքով՝ պետք է ուշադրություն հատկացնել միջտարածաշրջանային համագործակցությանը:

Ավելի վաղ խոսքով հանդես էր եկել նաև ՀՀ վարչապետի պաշտոնակատար Նիկոլ Փաշինյանը:

| | |
3897 | 1
Facebook