Խնդրում ենք սպասել...
Այսօր`  երկուշաբթի, 20 մայիսի, 2019 թ.

Միջազգային

Ֆրանսիայի վարչապետը մտադիր է սառեցնել բենզինի հարկերի բարձրացումը

12:20, երեքշաբթի, 04 դեկտեմբերի, 2018 թ.
Ֆրանսիայի վարչապետը մտադիր է սառեցնել բենզինի հարկերի բարձրացումը

Ֆրանսիայի վարչապետ Էդուար Ֆիլիպը պատրաստվում է հայտարարել բենզինի հարկերի բարձրացման սառեցման մասին` «դեղին բաճկոնավորների» զանգվածային ցույցերի ֆոնին, France-Presse-ին հղումով հայտնում է РИА Новости-ն:

Զանգվածային ցույցերն սկսվել էին նոյեմբերի 17-ից: Այսպես կոչված «դեղին բաճկոնավորները» բողոքում են բենզինի գների բարձրացման դեմ: Շաբաթ օրը Փարիզում զանգվածային անկարգությունների հետևանքով բախումներ էին տեղի ունեցել ոստիկանների և ցուցարարների միջև, ցուցարարները մեքենաներ էին այրել, ձերբակալվել էր 412 մարդ, 133-ը վնասվածք էր ստացել:

Ակնկալվում է, որ Էդուար Ֆիլիպը կհայտարարի երկրի իշխանությունների որոշման մասին այսօր:

France-Presse-ի փոխանցմամբ՝ սառեցումը կգործի մի քանի ամիս և կուղեկցվի կիրառման այլ միջոցներով: Ընդ որում, ֆրանսիական մեկ այլ աղբյուր տեղեկություն է տարածել, որ ցուցարարները հրաժարվել են հանդիպել Էդուար Ֆիլիպի հետ:

Ավելի վաղ զանգվածային անկարգություններին միացել էին դպրոցականները՝ հարյուրավոր դպրոցներ արգելափակելով:

| | |
3210 | 0
Facebook
COMMENT.am