«Այսօր միջնորդություններ ենք ներկայացնելու, դատավորը կսահմանի հաջորդականությունը: Չեմ կարող կանխատեսել՝ նիստը երբ կավարտվի: Մենք դեռ շատ ասելիք ունենք, կարծում եմ՝ դատախազությունն էլ: Առաջնահերթ միջնորդությունը ՍԴ դիմելու միջնորդությունն է. գտնում ենք, որ ՔՕ 300-րդ հոդվածը, էն խմբագրմամբ, որ կար 2008-ին, հակասահմանադրական էր ու կախված դրա ելքից՝ ևս մի միջնորդություն կարող է լինել, դրան գումարած որոշ նյութեր կարող են լինել»,- դատական նիստից առաջ լրագրողների հետ զրույցում ասել է ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը: