Խնդրում ենք սպասել...

Ի՞նչ ենք ուտում, հագնում, դիտում

Ամանորին ընդառաջ պարենային ապրանքի խանութներում և մսի վաճառքի կետերում կիրականացնեն հսկողական շրջայցեր

19:40, երկուշաբթի, 03 դեկտեմբերի, 2018 թ.
Ամանորին ընդառաջ պարենային ապրանքի խանութներում և մսի վաճառքի կետերում կիրականացնեն հսկողական շրջայցեր

Ամանորին ընդառաջ, հաշվի առնելով առևտրի ծավալների աճն ու ակտիվացումը, նաև դրանով պայմանավորված ռիսկերը, ՀՀ ԿԵ սննդամթերքի անվտանգության տեսչական մարմինը Երևան քաղաքում և հանրապետության բոլոր մարզերում ձևավորել է մասնագետ-տեսուչների աշխատանքային խմբեր, որոնք 2018 թվականի դեկտեմբերի 4-ից 27-ը առևտրի կենտրոններում, պարենային ապրանքի խանութներում և մսի վաճառքի կետերում կիրականացնեն հսկողական շրջայցեր: Կուժեղացվի սահմանային հսկողությունը:

Երևանի սահմանային հսկիչ կետը, ինչպես նաև «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի լաբորատորիաները կաշխատեն նաև հանգստյան օրերին՝ ներկրման և արտահանման գործընթացներին օժանդակելու նպատակով:

Խստացված վերահսկողության շրջանակներում կուսումնասիրվի տնտեսվարողների գործունեության ընթացքում սննդամթերքի անվտանգության պայմաններին ներկայացվող պահանջներին համապատասխանության փաստը: Խախտումների հայտնաբերման դեպքում կտրվեն դրանք շտկելու ցուցումներ ու հանձնարարականներ, իսկ վտանգավոր սննդամթերքը շրջանառությունից կհանվի և կոչնչացվի:

Կստուգվի նաև սննդի շղթայի օպերատորների՝ համապատասխան ռեեստրում գրանցված լինելու պահանջի կատարումը: Կտրվեն ցուցումներ գրանցվելու համար անհրաժեշտ գործողությունների, ինչպես նաև՝ չգրանցվելու դեպքում նախատեսված վարչական պատասխանատվության մասին:

| | |
9336 | 1
Facebook