Համացանց

«Հանրային լրագրության ակումբ» հասարակական կազմակերպության «Մեդիա կենտրոն» ծրագրի խմբագիր-համակարգող Արշալույս Մղդեսյանը գրել է. «Ռուսաստանից Հայաստան դրամական փոխանցումներ անելն ահավոր դժվարացել է: Բանկեր կային, որ ժամանակին առանց խնդրի փոխանցումներ էին կատարում Հայաստան, հիմա կամ 1000 դոլարից ավել փոխանցումների դեպքում մի 1000 հատ թուղթ են լրացնում կամ ընդհանրապես հրաժարվում են փոխանցում կատարելուց: ԱՊՀ այլ երկրներ փոխանցումների հարցում ոնց որ թե նման խնդիրներ դեռ չեն առաջանում: Ու սա էն դեպքում, երբ տրասնֆերտների 70-80%-ը Հայաստանն ստանում է Ռուսաստանից և դա կազմում է պետբյուջեի գրեթե կեսը: Շատ անգամ հաճախորդների զարմացած հարցերին, թե ինչու են մտցվել նման սահմանափակումներ, կամ բան չեն պատասխանում, կամ ասում են՝ ձեր երկրում վիճակը խառն է: Ես չգիտեմ սա միտում է, թե ՌԴ-ի տնտեսությունում ռեցեսիոն վիճակով պայմանավորված՝ փողը երկրում պահելու ձգտում, բայց պարզաբանելու խնդիր կա»: