ԱՄՆ Սենատը բանաձև է ընդունել, որով դատապարտում է Կերչի նեղուցում տեղի ունեցած միջադեպի հետ կապված Ուկրաինայի դեմ Ռուսաստանի սադրիչ գործողությունները, գրում է Hill-ը: Փաստաթուղթն առաջարկվել է հանրապետական Ռոն Ջոնսի և դեմոկրատ Քրիս Մըրֆիի կողմից:
Սենատը միաձայն կողմ է քվեարկել բանաձևին:
Ջոնսի խոսքով՝ Սենատը պատրաստակամություն է հայտնել աջակցել Ուկրաինայի ժողովրդին, կառավարությանն ու երկրի տարածքային ամբողջականությանը: Մըրֆիի խոսքով՝ Սենատը հստակ հասկացնել է տվել, որ չի հանդուրժի Ուկրաինայի դեմ ագրեսիան:
«Վճռականորեն դատապարտում ենք Ռուսաստանի ռազմական ցանկացած գործողություն՝ ուղղված միջազգային իրավունքների միակողմանի փոփոխմանը»,- հավելել է նա:
Քաղաքական գործիչները նաև կոչ են արել միջազգային հանրությանը միավորվել Ռուսաստանի գործողությունների դեմ պայքարում:
Հիշեցնենք, որ երեկ ԱՄՆ նախագահ Դոնալդ Թրամփը միջադեպի պատճառով չեղարկեց Արգենտինայում G20-ի գագաթնաժողովի շրջանակում ՌԴ նախագահի հետ նախատեսված հանդիպումը: