ՀՀ ԱԳՆ-ից տեղեկանում ենք, որ համաձայն Հալեպում ՀՀ Գլխավոր հյուպատոսության նախնական տվյալների՝ նոյեմբերի 25-ին ՀՀ Գլխավոր հյուպատոսության շենքից շուրջ 3 կիլոմետր հեռավորության վրա տեղի ունեցած գնդակոծության հետևանքով տուժածների շրջանում ՀՀ քաղաքացիներ և ազգությամբ հայեր չկան:
Նշենք, որ նոյեմբերի 25-ին, սիրիական և միջազգային լրատվամիջոցների փոխանցմամբ, Հալեպում քիմական հարձակման հետևանքով 107 մարդ է տուժել, այդ թվում՝ կանայք և երեխաներ, նրանց մոտ շնչառական և տեսողական տարբեր աստիճանի խնդիրներ են նկատվել: ՄԱԿ-ի տվյալներով՝ սիրիական պատերազմի ընթացքում քիմիական զենք է կիրառվել առնվազն 30 անգամ: