Նոյեմբերի 25-ի լույս 26-ի գիշերը Կիևում Ռուսաստանի դեսպանատան մոտ բողոքի զանգվածային ալիք է բարձրացել՝ կապված Ազովի ծովում ՌԴ-ի ագրեսիվ գործողությունների և Ուկրաինայի ռազմածովային ուժերին պատկանող նավերի գրավման հետ, փոխանցում են ուկրաինական ԶԼՄ-ները:
Դեսպանատան ուղղությամբ «դիմշաշկա» են նետել, ինչպես նաև մեքենայի անիվներ դրել դռների մոտ: Բացի այդ, դեսպանատնից ոչ հեռու դիվանագիտական համարներով մեքենա է այրվել: Հրշեջները մարել են կրակը: Դեպքի վայրում ոստիկանություն է աշխատում:
Ավելի վաղ Ուկրաինայի նախագահը կոչ էր արել երկրում 60 օրով ռազմական դրություն սահմանել:
