Հարավային Կորեայի ներկայացուցիչ Կիմ Չոն Յանն ընտրվել է Ինտերպոլի ղեկավարի պաշտոնում: Այս մասին ասվում է կազմակերպության թվիթթերյան էջում:
Քվեարկությունը տեղի է ունեցել Դուբայում կազմակերպության գլխավոր վեհաժողովի 87-րդ նստաշրջանի ընթացքում:
Պաշտոնին հավակնում էր նաև ռուսաստանցի գեներալ Ալեքսանդր Պրոկոպչուկը: Նախկին ղեկավար Մեն Հուվեյնի անհետացումից հետո կազմակերպության կաննոների համաձայն նախագահությունն անցել է Կիմ Չոն Յանին, ով ավելի վաղ զբաղեցնում էր Ինտերպոլի ավագ փոխնախագահի պաշտոնը: