Խնդրում ենք սպասել...
ԱՐՑԱԽ.news ԼՐԱՏՎԱԿԱՆ
Այսօր`  երեքշաբթի, 21 մայիսի, 2019 թ.

Իրադարձություններ

Լույս են ընծայվել «Ս. Հռիփսիմե վանքը» աշխատությունը և «Սուրբ Հռիփսիմե վանքի» մատենագիտությունը

02:10, չորեքշաբթի, 21 նոյեմբերի, 2018 թ.
Լույս են ընծայվել «Ս. Հռիփսիմե վանքը» աշխատությունը և «Սուրբ Հռիփսիմե վանքի» մատենագիտությունը

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի հրատարակչական բաժինը Ս. Հռիփսիմե վանքի 1400-ամյակի առիթով լույս է ընծայել պ.գ.թ. Արսեն Հարությունյանի «Ս. Հռիփսիմե վանքը» աշխատությունը և Արմենուհի Հովհաննիսյանի պատրաստած Սուրբ Հռիփսիմե վանքի մատենագիտությունը:
     Առաջին ուսումնասիրության մեջ հեղինակը կատարել է Ս. Հռիփսիմե վանքի պատմավիմագրագիտական քննությունը: Սրբավայրի պատմությանը զուգընթաց ներկայացված են վանքի շրջակայքում տարբեր տարիներին իրականացված հնագիտական պեղումները, ի հայտ եկած ուշագրավ շինություններն ու առարկաները: Ագաթանգեղոսի «Պատմության» հիման վրա անդրադարձ է կատարվել նաև Ս. Հռիփսիմեի վարք-վկայաբանությանը: Հավելվածում տեղ են գտել նաև Մովսես Խորենացու երկու երկ՝ Հռիփսիմյանց կույսերի պատմությունը ներկայացնող բնագիրը և նրանց հիշատակին ձոնված ներբողը:
     Երկրորդ աշխատությունն առաջին փորձն է մի գրքում ամբողջությամբ ներառելու որևէ վանք-եկեղեցու մատենագիտությունը: Գրքերը հրատարակվել են «Սարգիս Գաբրիելյան» հիմնադրամի մեկենասությամբ:

| | |
1738 | 0
Facebook
COMMENT.am