Խնդրում ենք սպասել...
COMMENT.am
Այսօր`  հինգշաբթի, 27 հունիսի, 2019 թ.

Միջազգային

«Բելառուսը սպասում էր ձեզ, խոսելու շատ բան կա». Լուկաշենկոն՝ Ալիևին

14:25, երկուշաբթի, 19 նոյեմբերի, 2018 թ.
«Բելառուսը սպասում էր ձեզ, խոսելու շատ բան կա». Լուկաշենկոն՝ Ալիևին

Ինչպես ավելի վաղ հայտնել էինք, Մինսկում մեկնարկել են Բելառուսի և Ադրբեջանի նախագահներ Ալեքսանդր Լուկաշենկոյի և Իլհամ Ալիևի բանակցությունները:

«Ադրբեջանի նախագահի այցը նոր քայլ է երկկողմ հարաբերությունների կառուցման հեռանկարում»,- Белта-ի փոխանցմամբ, Ալիևի հետ հանդիպման ժամանակ ասել է Լուկաշենկոն:

«Բելառուսը ձեզ սպասում էր: Խոսելու շատ բան կա: Չափազանց շատ տեղեկություններ հայտնվեցին ձեր պաշտոնական այցի մասին: Ընդ որում, նույնիսկ բացասական տեղեկություն, որը չի համապատասխանում իրականությանը: Հետաքրքրություն կար ձեր այցի նկատմամբ: Շատ խոսեցին Ադրբեջանի մասին»,- նշել է Լուկաշենկոն:

Բելառուսի նախագահը հավաստիացրել է, որ երկու երկրների հարաբերություններում «փակ թեմաներ» չեն լինի:

Իր հերթին, Ալիևը նշել է, որը Բելառուսի և Ադրբեջանի համագործակցության բոլոր ուղղություններում կոնկրետ արդյունքներ կան: Նրա խոսքով՝ «այն, ինչի շուրջ երկու երկրները պայմանավորվել են, իրականացրել են», և որ «Ադրբեջանն ու Բելառուսը միմյանց աջակցել են միջազգային բոլոր կառույցներում»:

| | |
5816 | 0
Facebook