Իրադարձություններ

Ազգային ժողովի խմբակցություններն այսօր իրենց վերջին ավանդական ճեպազրույցն են անցկացնում:

Այս պահին լրագրողների հարցերին պատասխանում է ՀՅԴ խմբակցության ղեկավար Արմեն Ռուստամյանը:

Հարցին՝ Դուք վերլուծե՞լ եք կատարվածը, թե ինչ սխալներ եք թույլ տվել նախորդ իշխանությունների օրոք, Ա. Ռուստամյանն ասաց, որ Դաշնակցությունը չպետք է մաս կազմի որևէ կառավարության և կոալիցիա չկազմի ոչ ոքի հետ: ««Իմ քայլը» դաշինքն ունենալու է մեծամասնություն և ձևավորելու է դրանից բխած կառավարություն: Եթե այդպիսի վիճակ լինի, մենք չենք պատրաստվում մաս կազմել այդպիսի կառավարության, նույնիսկ եթե մեզ թախանձագին խնդրեն, ինչպես որ մինչև այսօր եղել է: Բայց մենք դրան չենք գնա: Մենք պետք է այնպես անենք, որ մեր անցած սխալները չկրկնենք... այս ամբողջ պրոցեսը շատ նմանեցնում եմ 90-ականների վիճակին. այն ժամանակ էլ այսպիսի նոր դեմքեր էին և բոլորին փոխեցին՝ իրենց վստահելիներին դրեցին, բայց մարդիկ եկան, որոնք նոր պիտի սովորեին ինչ է պետությունը և պետական կառավարությունը, ինչից էլ բխեցին բոլոր ձախողումները»,- ասաց Արմեն Ռուստամյանը: