Իսպանիայում հորդառատ անձրևների հետևանքով ողողվել են երկրի հայտնի հանգստավայրերը, հաղորդում է Ren TV-ն՝ հղում անելով Elpais-ին:
Ջրով են ողողվել տասնյակ շրջաններ, այդ թվում՝ հայտնի հանգստավայրեր Ալիկանտեն, Մալյորկան և Մուրսիան:
Նշվում է, որ ամենից բարդ իրավիճակ է երկրի հյուսիս-արևելքում՝ Կատալոնիայում: Փակվել են բոլոր խոշոր մայրուղիները, մետրոյի կայարանները:
Երկրի մի շարք շրջաններում վտանգի նարնջագույն մակարդակ է հայտարարվել, Բարսելոնայում՝ ամենավերջին՝ կարմիր մակարդակը:
Օդերևութաբանները կանխատեսում են, որ տեղումները կշարունակվեն:
Երկրի հարավում մեկ ժամում թափվել է 30 մմ տեղում, իսկ Անդալուզիայի ինքնավար մարզում՝ մեկ ժամում 20 մմ տեղում:
Հորդառատ անձրևները ողողել են Իսպանիայի հայտնի հանգստավայրերը