Խնդրում ենք սպասել...
Այսօր`  երկուշաբթի, 20 մայիսի, 2019 թ.

Միջազգային

«ԱՄՆ-ը չի կարող կրճատել իրանական նավթի արտահանումը». Իրանի ԱԳՆ

11:15, չորեքշաբթի, 14 նոյեմբերի, 2018 թ.
«ԱՄՆ-ը չի կարող կրճատել իրանական նավթի արտահանումը». Իրանի ԱԳՆ

ԱՄՆ-ը չի կարող զգալիորեն կրճատել իրանական նավթի արտահանման ծավալները, քանի որ համաշխարհային շուկայում իրանական նավթի պահանջարկ կա: Այս մասին Alaraby պարբերականի հետ զրույցում ասել է Իրանի ԱԳՆ ղեկավար Ջավադ Զարիֆը:

«Մենք ավելի վաղ ևս ասել ենք, որ ԱՄՆ-ը չի կարող նվազեցնել իրանական նավթի արտահանումն ու այն զրոյի հասցնել, և դա ապացուցված է: Իրանն ունակ է արտահանել իր նավթը, և համաշխարհային շուկայում իրանական նավթի պահանջարկ կա: Իրանը բոլորին կապացուցի, որ հետագայում ևս համաշխարհային շուկայում կպահպանի իր դիրքերը»,- ասել է նա:

Իրանի նկատմամբ ԱՄՆ-ի հավելյալ պատժամիջոցներն ուժի մեջ էին մտել նոյեմբերի 5-ին:

Երեկ ԱՄՆ նախագահի ազգային անվտանգության հարցերով խորհրդական Ջոն Բոլթոնը խոստացել էր ավելացնել Իրանի դեմ ճնշումները: Նա նաև հայտնել էր, որ ԱՄՆ-ն իրանական նավթի արտահանումը զրոյացնելու նպատակ է հետապնդում:

| | |
4467 | 0
Facebook