ԵԱՀԿ Մինսկի խմբի համանախագահները Հայաստանի և Ադրբեջանի ԱԳՆ ղեկավարներին առաջարկել են հանդիպել Միլանում: Այս մասին այսօր լրագրողների հետ զրույցում ասել է ՀՀ ԱԳՆ մամուլի խոսնակ Աննա Նաղդալյանը:
Նրա խոսքով՝ համանախագահներն առաջարկել են կազմակերպել հանդիպումը մինչև տարեվերջ՝ Միլանում ԵԱՀԿ նախարարական գագաթնաժողովի շրջանակում:
Նաղդալյանի խոսքով՝ հանդիպման մանրամասների մասին հանրությանը կտեղեկացվի:
Նշենք, որ դեկտեմբերի 6-7-ը Միլանում կկայանա ԵԱՀԿ երկրների արտաքին գործերի նախարարների խորհրդի նիստը: