ԵԱՀԿ-ում ՌԴ մշտական ներկայացուցիչ Ալեքսանդր Լուկաշևիչն անդրադարձել է ԼՂ հակամարտության կարգավորման հարցին:
«Հայաստանի և Ադրբեջանի շփման գծում պահպանվում է հարաբերական կայունությունը, նվազում է «լռության» ռեժիմի խախտման թիվը: Կողմերին կոչ ենք անում լրացուցիչ միջոցներով ամրապնդել լարվածության նվազեցման դրական միտումը»,- ասել է Լուկաշևիչը:
Նա նշել է, որ Հայաստանի և Ադրբեջանի միջև շփումները վերականգնվել են, իսկ հակամարտության արդյունավետ և փոխզիջումային կարգավորման գլխավոր պայմանը ԵԱՀԿ Մինսկի խմբի համանախագահները համարում են հրադադարը:
ԵԱՀԿ-ում ՌԴ մշտական ներկայացուցիչը հայտարարել է նաև, որ միջնորդների ջանքերը բարձր գնահատականի են արժանի: