Նոր Հարավային Ուելսում ավազամրրիկը երկինքը կարմիր գույնով է «ներկել»: Այս մասին վկայում են կադրերը, որոնք տեսանկարահանել են ականատեսները:
Ավստրալիայի բնակիչներից մեկը տարերքը տեսանկարահանել է դեռ երեքշաբթի: Տղամարդու խոսքով՝ ավազամրրիկն իր հիշելով խոշորագույնն է:
«Երբ մրրիկը հանդարտվեց, փոշին պատել էր շուրջբոլորը: Քամին սլանում էր ժամում ավելի քան 100 կմ արագությամբ, ինչի պատճառով տուժել է տեղի մասնավոր սեփականությունը»,- հայտնել է տեսանյութի հեղինակը: