Տաջիկստանի Խուջանդ քաղաքի խիստ ռեժիմի գաղութում 13 բանտարկյալ է սպանվել, հաղորդում է РИА Новости-ն՝ հղում անելով Սոգդի մարզի ուժային կառույցների աղբյուրին:
Վիրավորների թիվը չի նշվում:
Աղբյուրի խոսքով՝ բանտարկյալներից մեկը, ով ԴԱԻՇ ահաբեկչական խմբավորման անդամ է համարվում, պահակի մոտից վերցրել է զենքն ու կրակ բացել պահակախմբի աշխատակիցների ուղղությամբ: Սոգդի մարզի հատուկ նշանակության ուժերին հաջողվել է ճնշել խռովությունը:
Դեպքի վայր է մեկնել քննչական խումբը, խռովության պատճառները պարզվում են: