Պետական վերահսկողական ծառայության պետ Դավիթ Սանասարյանը ֆեյսբուքյան իր էջում գրել է. «Ժողովուրդ ջան, Հովիկ և Հենրիկ Աբրահամյանների հետ կապված ապօրինի ջրօգտագործումը Պետական վերահսկողական ծառայության միակ բացահայտումը չէ։
Առաջիկայում կհրապարակվեն «Արտաշատի» ՋՕԸ մյուս բոլոր խախտումները, գողություններն ու ջրագողությունները։
Մանրամասները՝ շուտով»:
Հիշեցնենք, որ Դավիթ Սանասարյանն իր էջում գրել էր այն մասին, որ Աբրահամյանների ընտանիքին պատկանող ջերմոցները, ըստ նախնական տվյալների, շուրջ 15 տարի ջրվել են ապօրինի տեղադրված խողովակներով։