Խնդրում ենք սպասել...

Միջազգային

Զանգվածային ցույցեր Իրանում՝ ամերիկյան նոր պատժամիջոցների ֆոնին

10:25, երկուշաբթի, 05 նոյեմբերի, 2018 թ.
Զանգվածային ցույցեր Իրանում՝ ամերիկյան նոր պատժամիջոցների ֆոնին

Այսօր ուժի մեջ են մտնում Իրանի նկատմամբ ամերիկյան պատժամիջոցները, ողջ Իրանի տարածքում զանգվածային ցույցեր են սկսվել:

ԱՄՆ նախագահ Դոնալդ Թրամփի վարչակազմը թարմացնում է Իրանի նկատմամբ բոլոր սահմանափակումները, որոնք չեղարկվել էին 2015թ. համաձայնության արդյունքում:

Պատժամիջոցները կանդրադառնան ոչ միայն Իրանի, այլ նաև Իրանի հետ առևտրային հարաբերություններ ունեցող երկրների և ընկերությունների վրա:

Կիրակի հազարավոր իրանցիներ դուրս են եկել փողոցներ՝ վանկարկելով՝ «Մա՛հ Ամերիկային»: Իրանի զինված ուժերը հայտնել են, որ երկուշաբթի և երեքշաբթի զորավարժություններ կանցկացնեն՝ այդպիսով ցուցադրելով երկրի պաշտպանունակությունը:

Ավելի վաղ Թրամփը հայտնել էր Իրանի նկատմամբ նոր պատժամիջոցների սահմանման մասին՝ Twitter-ի իր էջում գրելով. «Պատժամիջոցները մոտ են»:

| | |
5284 | 0
Facebook