Իրաքի մայրաքաղաք Բաղդադում մի քանի պայթյուն է որոտացել, որի հետևանքով 8 մարդ է զոհվել, ևս 16-ը վիրավոր է, փոխանցում է Al-Arabiya-ն՝ հղում անելով անվտանգության ուժերին:
Հեռուստաալիքի տեղեկությունների համաձայն՝ պայթուցիկ սարքերից մեկը գործի է դրվել Բաղդադի հյուսիսում, Ադեն հրապարակից ոչ հեռու: Եվս 3 պայթյուն է որոտացել քաղաքի արևելքում:
Հինգերորդ պայթյունը գրանցվել է Բաղդադի հյուսիսում, ևս մեկ պայթուցիկ սարք գործի է դրվել քաղաքի հարավում, խանութներից մեկի մոտակայքում: