Խնդրում ենք սպասել...
COMMENT.am
Այսօր`  ուրբաթ, 16 նոյեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Միջազգային

Սիրիական Հաջին քաղաքում ԱՄՆ ավիահարվածներից 15 մարդ է զոհվել

23:00, շաբաթ, 03 նոյեմբերի, 2018 թ.
Սիրիական Հաջին քաղաքում ԱՄՆ ավիահարվածներից 15 մարդ է զոհվել

Միացյալ Նահանգների ղեկավարած կոալիցիան հարձակվել է Դեյր Էզ-Զորի նահանգում խաղաղ սիրիացիների վրա: Այս մասին հաղորդում է РИА Новости գործակալությունը:

«Դիեր Էզ-Զորի հարավ-արևելյան նահանգում գտնվող Հաջին քաղաքում միջազգային կոալիցիոն ավիացիայի ագրեսիայի հետևանքով տասնյակ քաղաքացիներ են զոհվել»,- ասվում է գործակալության հաղորդագրության մեջ:

Ikhbariya հեռուստաընկերության հաղորդմամբ` զոհերի մեծ մասը կանայք և երեխաներ են:

SANA գործակալության տեղեկացմամբ, բոլոր մահացածները եղել են Խալիդ Իբն Վալիդ մզկիթի հարևանությամբ գտնվող բնակելի շենքերի խաղաղ բնակիչներ: Հաղորդվել է տասնյակ զոհերի մասին:

Միջազգային կոալիցիան պարբերաբար ավիահարվածներ է իրականացնում Հաջինում: Հոկտեմբերի 13-ին և 19-ին SANA գործակալությունը հաղորդել էր ավիահարվածների ժամանակ սպիտակ ֆոսֆորի կիրառման մասին, ինչից հետո սիրիական իշխանությունները կոչ են արել ՄԱԿ-ին միջոցներ ձեռնարկել հանցագործների դեմ և դուրս բերել կոալիցիոն ուժերը երկրից, որոնց՝ Սիրիայում գտնվելն անօրինական է:

Պենտագոնի ներկայացուցիչն այդ ժամանակ հայտարարեց, որ ԱՄՆ կոալիցիան չի բացահայտում, թե ինչ զինամթերք է կիրառում Սիրիայում, սակայն նշեց, որ դրանք համապատասխանում են միջազգային չափանիշներին:

| | |
2721 | 1
Facebook
ՄԱՄՈՒԼ.am