Չինաստանի Չունցին քաղաքում ավտոբուսն ընկել է Յանցզի գետն ավտոբուսի վարորդի և ուղևորուհու միջև ծագած վիճաբանության պատճառով, հաղորդում է Xinhuanet-ը:
Միջադեպի զոհ է դարձել 13 մարդ, ևս 2 մարդ անհետ կորած է համարվում:
Վիճաբանության պատճառ է դարձել այն, որ կինը բաց է թողել իր կանգառն ու վարորդից պահանջել կանգնեցնել ավտոբուսը: Վարորդը հրաժարվել է կատարել խնդրանքը, չինուհին վիրավորել է նրան և հարվածել:
Այդ պահին վարորդը կորցրել է կառավարումը, ինչի հետևանքով ավտոբուսը դուրս է եկել հանդիպակաց գոտի, և, բախվելով մեկ այլ տրանսպորտային միջոցի, ընկել է գետը: