Միջազգային

Ինդոնեզիայում օրեր առաջ կործանված Boeing 737 MAX 8 ինքնաթիռի որոնողական աշխատանքների մասնակիցները գտել են օդանավի «սև արկղը»՝ ծովի մակերևույթից 30 մետր խորության վրա, հայտնում է Газета.ru-ն:

Հրապարակման համաձայն, ջրասուզորդների շնորհիվ հայտնաբերվել է թռիչքի ձայնագրիչը: Արկղը գտնվել է օդանավի բեկորներից քիչ հեռու, 30 մետր խորության վրա:

Հիշեցնենք, որ հոկտեմբերի 29-ին Lion Air ավիաընկերության Boeing 737 MAX օդանավը վթարի էր ենթարկվել Ջակարտայից դեպի Պանկալինանգ մեկնելու ընթացքում՝ անհետանալով ռադարների էկրանից: Ինքնաթիռում եղել է 189 մարդ, բոլորը մահացել են: