Ադրբեջանի, Թուրքիայի և Իրանի ԱԳՆ ղեկավարները 6-րդ եռակողմ հանդիպման արդյունքներով Ստամբուլյան հռչակագիր են ստորագրել:
Հռչակագրում նշվում է «հակվածությունն անցած հանդիպումների ընթացքում ընդունված դրույթներին, տարածաշրջանում 3 երկրների ժողովուրդների միջև համերաշխության և համագործակցության ուժգնացման ևս մեկ հաստատումը»:
3 երկրների ԱԳ նախարարները համաձայնել են նաև շարունակել տարածաշրջանային և գլոբալ հարցերով խորհրդակցությունները:
Հանդիպման ավարտին Ադրբեջանի արտգործնախարար Էլմար Մամեդյարովն անդրադարձել է Լեռնային Ղարաբաղի հակամարտության թեմային՝ հայտարարելով, որ «եթե Հայաստանը չկարողանա կարգավորել իր հարևանների՝ Թուրքիայի և Ադրբեջանի հետ հարաբերությունները, ապա այդ դեպքում Հայաստանի անկախությունը հարցականի տակ կդրվի»: